Pinoy makikinabang sa Biden presidency
MANILA, Philippines — Isang indikasyon ng panibagong pag-asa para sa Pilipinas ang pagkakahalal ni Joe Biden bilang bagong presidente ng United States makaraang talunin niya si Donald Trump sa katatapos na halalang pampanguluhan sa US.
Ito ang ipinahiwatig ng global analyst at dating World Bank Director na si Yukon Huang sa isang webinarhttps://youtu.bebe/JMAfSqsov4A kasama ng isang panel ng mga local experts buhat sa industry at development sector ng Pilipinas. Sinabi rin niya na nanaiisin ni Biden na bumuo ng mas malaking alyansa sa mga miyembro ng Association of Southeast Asian Nations na kinabibilangan ng Pilipinas dahil sa istratehikong kahalagahan nito.
Idiniin ni Huang ang pragmatikong posisyon ni Pangulong Rodrigo Duterte sa patakarang panlabas ng Pilipinas para mabawasan ang tension sa China, mga kalapit nitong bansa at sa US.
Pinuna naman ni Dioceldo Sy, founder ng Ever Bilena Cosmetics and Blackwater, na 40% ownership lang ang ipinapahintulot sa mga dayuhang negosyante sa Pilipinas kasama na ang kawalan ng transparency para sa local business relations na nagpapabawas ng insentibo para sa mga dayuhang mamumuhunan.
Idinagdag naman ni Anna Mae Lamentillo, chairperson ng Build, Build, Build Committee ng Department of Public Work and Highways na nakaambag ng malaki ang China, Japan, South Korea at France sa Build, Build, Build program ng Pilipinas.
Binatikos din ng mga analyst ang kumakalat na pekeng balita hinggil sa China’s debt trap na sumisingil ng 10-20%. Nagmula anila ang balita sa isang artikulo ni U.S. military funded analyst Anders Corr sa Forbes Magazine na nagpahayag ng naturang paratang nang walang pruweba. Sa katotohanan, ang talagang interest ay 2%-4% na mas mababa kaysa sa ibang maraming bansa at sa Western development banks.
- Latest
