Senate probe sa ‘red tagging’ sa celebrities itinakda sa Nobyembre 3

MANILA, Philippines — Itinakda na sa susunod na linggo ng Senate Committee on national defense ang pagdinig sa umano’y red-tagging ng militar sa mga artista at ilang organisasyon.

Sinabi ni Sen. Panfilo Lacson, chairman ng komite na ang pagdinig ay gaganapin sa Nob­yembre 3 matapos ang inihain niyang Senate Resolution No. 559.

Sa ilalim ng resolusyon, pinaiimbestigahan nito ang umano’y red-tagging activities ng mga opisyal ng Armed Forces of the Philippines (AFP).

Niinaw naman ni Lacson na bago siya naghain ng resolusyon ay humingi muna siya ng opinyon kay Senate President Vicente Sotto III at sinabi na may kapangyarihan ang Senado na ipatupad ang kanilang oversight function.

Kabilang naman sa ipapatawag sa pagdinig sina AFP Southern Luzon Command chief Lt. Gen. Antonio Parlade Jr. at liderato ng militar., Gabriela at iba pa mga militanteng grupo.

Umani ng batikos si Parlade matapos na bantaan ang aktres na si Liza Soberano dahil sa pagsuporta sa Gabriela Women’s partylist na umano’y teroristang grupo gayundin ang aktres na si Angel Locsin.