SWS: 23% ng Pinoy naniniwalang 'realistic' ang gov't COVID-19 case reports
Kinukuha ng pulis na ito ang temperatura ng mga nais makapasok ng sementeryo bago mag-"All Saints’ Day" bilang pag-iingat sa pagkalat ng COVID-19, ika-28 ng Oktubre, 2020
AFP/Ted Aljibe
SWS: 23% ng Pinoy naniniwalang 'realistic' ang gov't COVID-19 case reports
(Philstar.com) - October 29, 2020 - 2:46pm

MANILA, Philippines — Minorya kung maituturing ang mga Pilipinong naniniwalang makatotohanan ang mga inilalabas na coronavirus disease case at fatality reports ng gobyerno, ayon sa panibagong pag-aaral ng Social Weather Stations (SWS) na inilabas, Huwebes.

Ito'y matapos mapag-alamang hati ang populasyon kung paano nila titignan ang mga COVID-19 statistics ng gobyerno, na ibinibigay ng Department of Health araw-araw.

Bagama't magkakalapit ang mga numero, kulelat ang mga naniniwalang "tama" ang pag-uulat ng mga kaso:

  • malamang mas madami sa tunay na bilang (39%)
  • malamang mas kaonti sa tunay na bilang (31%)
  • malamang tama (23%)

Magsing-dami naman ang duda sa mga datos pagdating sa local COVID-19 deaths, habang kulelat pa rin ang naniniwalang accurate ang reporting more or less:

  • malamang mas madami sa tunay na bilang (34%)
  • malamang mas kaonti sa tunay na bilang (34%)
  • malamang tama (27%)

 

 

Inilabas ang pag-aaral matapos maiulat ang balitang 30% ang nabawas ang pambansang COVID-19 testing capacity ng Pilipinas, dahilan para sabihin ng University of the Philippines professor at OCTA Research member Guido David na maaaring inaccurate ang datos.

Wala pa ring programang libreng "mass testing" ang gobyerno, dahilan para hindi maiulat ang mga hindi nate-test.

Isinagawa ng SWS ang kanilang national mobile phone survey hinggil sa isyu mula ika-17 hanggang ika-20 ng Setyembre, 2020.

Nilahukan ang nasabing survey ng 1,249 katao edad 18 na taong gulang pataas.

"The survey items on the number of Covid-19 positives and deaths being reported by the government were non-commissioned. They were included on SWS's own initiative and released as a public service," paliwanag ng SWS.

Mas nakapag-aral, mas duda sa mga datos

Kapansin-pansin sa pag-aaral na may malaking antas ng duda sa accuracy ng government reporting habang tumataas nang tumataas ang antas ng pag-aaral na natapos ng isang tao sa Pilipinas.

"The percentage of those who consider the number of COVID-19 positive cases being reported by the government to be probably right is less among college graduates (18%) and junior high school graduates (22%) than among non-elementary graduates (26%) and elementary graduates (31%)," patuloy ng SWS.

Ganito naman ang komposisyon ng mga naniniwalang may over-reporting sa COVID-19 cases:

  • junior high school graduates (44%)
  • college graduates (39%)
  • elementary graduates (31%)
  • non-elementary graduates (28%)

Pare-pareho namang hati ang opinyong ng lahat pagdating sa COVID-19 deaths kahit na ano pa ang natapos ng isang Pilipinas.

 

 

Sa lahat ng mga lugar sa Pilipinas, pinakamataas naman ang pagdududa sa COVID-19 case reporting sa Kalakhang Maynila:

"Only 14% in Metro Manila consider the number of COVID-19 positive cases being reported by the government to be probably right. In comparison, 31% in Mindanao, 24% in the Visayas, and 23% in Balance Luzon consider it to be probably right," dagdag pa nila.

"At the same time, those who consider the reported number of COVID-19 positive cases to be probably over-reported are highest in Metro Manila (44%), followed by Balance Luzon (41%), Mindanao (36%), and the Visayas (36%)."

Mga taga-Metro Manila rin ang pinaka-"skeptical" pagdating sa reporting kung COVID-19 deaths ang pag-uusapan.

Sa datos ng DOH nitong Miyerkules, umabot na sa 375,180 ang tinatamaan ng kinatatakutang sakit sa Pilipinas. Sa bilang na 'yan, 7,114 na ang namamatay. — James Relativo

NOVEL CORONAVIRUS SOCIAL WEATHER STATIONS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with