Luzon, babagyuhin ni ‘Rolly’ sa Undas

MANILA, Philippines  — Inaasahang papasok sa bansa bukas ang namataang bagyo sa labas ng Philippine Area of Res­ponsibility (PAR) at posibleng salantain ang Luzon sa panahon ng pagdiriwang ng Undas.

Kahapon, namataan ang bagyo 1,960 kilometro silangan ng  Central Luzon taglay ang lakas ng hangin na umaabot sa 55 km per hour at may pagbugso na 70 kph.

Kumikilos ito ng mahina pakanluran hilagang kanluran papasok sa PAR at tatawaging Bagyong Rolly.

Ngayong Huwebes, ang bagyo ay nasa layong 1,590 km silangan ng Baler, Aurora at sa araw ng Llinggo, Nobyembre 1 na panahon ng Undas, si Rolly ay nasa layong 25 km kanluran ng Virac, Catanduanes.

Patuloy na pinapayuhan ng PagAsa ang mga residente sa naturang lugar na maghanda at mag-ingat upang makaiwas sa anumang aberya na dala ng naturang bagyo.