Nag-resign na PhilHealth execs ‘di pa absuwelto
MANILA, Philippines — Hindi pa abswelto sa kasong kriminal at administratibo ang mga opisyal ng Philippine Health Insurance Corporation (PhilHealth) na dawit sa anomalya kahit pa sila ay umalis na sa puwesto.
Ito ang tiniyak ni Pangulong Rodrigo Duterte sa kanyang ulat sa bayan kasabay ang paalala na hindi maililigtas ang mga sangkot sa kabila ng kanilang resignation.
“Mag-resign ka man, hindi ka mag-report, you would be summoned or subpoenaed because for all intents and purposes you are not allowed to resign, to escape liability,” dagdag ni Duterte.
Nauna ng sinabi ni PhilHealth president Dante Gierran na nasa 43 opisyal ng korporasyon ang umalis sa puwesto kabilang ang 21 na mula sa central office.
Ipinaalala rin ni Duterte na hindi maaaring magbitiw sa puwesto ang isang opisyal kung mayroong nakabinbing kaso.
Sinabi pa ni Duterte na nakita niya na puro regsignation ang nangyari sa PhilHealth pero hindi nangangahulugan na ligtas na ang mga ito.
- Latest