‘Soft invasion’ ng mga Chinese sa Pinas pinababantayan
MANILA, Philippines — Matapos maalarma sa 4 milyong Chinese na dumating sa Pilipinas simula noong 2017, kinalampag ni Sen. Francis “Kiko” Pangilinan ang Department of National Defense (DND) at Armed Forces of the Philippines (AFP) na imbestiga-han ang “soft invasion” ng mga ito sa bansa.
Ayon kay Pangilinan, mismong ang Bureau of Immgiration (BI) ang umamin na nasa 4 milyong Chinese ang pumasok sa bansa mula 2017 hanggang 2020 na karamihan ay nakalusot dahil sa pagbabayad o “pastillas scam.”
Sa pagdinig sa Sena-do, nabunyag na may tumatanggap ng P10,000 kada Chinese sa BI na ang pera ay ibinabalot sa papel upang magmukhang pastillas.
Kinuwestyon ni Pangilinan kung nasaan na nga-yon ang nasa 4 milyong Chinese at kung binabantayan ba ang kanilang kilos sa gitna ng isyu sa West Philippine Sea.
Hindi anya dapat ipagwalang bahala ang nasabing bilang ng mga nakapasok na Chinese.
Ayon pa kay Pangili-nan, ang pagtanggi ng gobyerno na pigilan ang pagpasok ng mga Chinese nationals noong Enero kung kailan nagsisimula na ang pandemic ang dahilan kung bakit patuloy ang pagtaas ng bilang ng COVID-19.
- Latest
