Magnitude 5.3 na lindol naitala malapit sa Surigao del Sur
MANILA, Philippines — Niyanig ng 5.3 magnitude na lindol ang Cagaraga, pag-uulat ng Philippine Institute of Volcanology and Seismology (Phivolcs) ngayong Huwebes.
Ayon sa state volcanologists, nangyari ang naturang "techtonic" earthquake bandang 6:10 a.m. sa 63 kilometro hilagangsilangan ng Bayabas, Surigao del Sur.
#EarthquakePH #EarthquakeSurigaoDelSur#iFelt_SurigaoDelSurEarthquake
— PHIVOLCS-DOST (@phivolcs_dost) September 30, 2020
Earthquake Information No.2
Date and Time: 01 Oct 2020 - 06:10 AM
Magnitude = 5.3
Depth = 015 kilometers
Location = 09.15N, 126.83E - 063 km N 72° E of Bayabas (Surigao Del Sur)https://t.co/YAadfjZaJk pic.twitter.com/60yKoBhjdB
Unang iniulat bilang magnitude 5.2 ang lindol kanina ngunit biglang nirebisa pagsapit ng 7:41 a.m.
Umabot sa Intensity IV sa naturang munisipalidad ngayong umaga — bagay na "moderately strong" pagdating sa intensity scale ng Phivolcs.
"This is an aftershock of the September 21, 2020 M5.7 Bayabas, Surigao Del Sur earthquake event," paliwanag ng Phivolcs sa isang pahayag.
Sa kabila nito, wala pa namang inaasahang pinsala at aftershocks mula sa pagyanig ng lupa lalo na't lumalabas na nangyari ito sa gitna ng anyong tubig.
Wala pa rin namang nilalabas na tsunami warning kaugnay ng pinakabagong earthquake, o yaong banta ng pagragasa ng tubig sa lupa buhat ng pag-uga ng lupa. — James Relativo
Antabayanan ang mga karagdagang detalye sa ulat na ito
- Latest