Mayorya ng Pinoy sumusunod sa COVID-19 measures – SWS

MANILA, Philippines — Mas maraming Pinoy ang sumusunod sa COVID-19 measures tulad ng pagsusuot ng face masks at physical distancing kapag lalabas ng kanilang tahanan.

Base sa latest survey ng Social Weather Survey na ginawa mula September 17-20, 79 percent ng 1,249 adult respondents ang palagiang nagsusuot ng face masks kapag lalabas ng kanilang tahanan. May bahagyang pagtaas ito sa 76% noong Hulyo.

Nasa 77% ang palagiang naghuhugas ng kamay habang 59% ang tumutupad sa one-meter distance kapag nasa labas ng bahay at 56% ang palagiang nagsusuot ng face shields sa alinmang lugar kapag sumasakay ng mga pampasaherong sasakyan o pupunta ng malls, palengke at mga botika.

Ang Visayas ang na­ngu­na sa pinakamara-ming nagsusuot ng face mask (86%), Mindanao (78%), Metro Manila (77) at Balance Luzon - 76%.

Nanguna rin ang Visayas sa paghuhugas ng kamay (75%), Mindanao (69%), Balance Luzon 64% at MM, 63%.

Visayas din ang pinaka­masunurin sa physical distancing, 68%, sinundan ng MM, 65%, Mindanao, 60% at Balance Luzon, 56%.

Sa Visayas din ang palagiang nagsusuot ng face shields sa publiko, 66% na sinundan ng 58% sa Mindanao, 55% sa MM, 52% sa Balance Luzon.