Pilipinas lagapak sa 'bottom half' ng mundo sa COVID-19 response — ulat

MANILA, Philippines — Lagapak ang Pilipinas pagdating sa rankings ng isang international journal pagdating sa pagsugpo ng coronavirus disease (COVID-19) response — kasabay ng kanilang pagtukoy sa ambag ng ilang presidente sa pagpapalala ng sitwasyon.

Sa ulat ng medial journal na The Lancet, lumalabas na ika-66 sa 91 bansa ang Pilipinas sa pagsugpo ng COVID-19. Isa sa isinisi rito ng international medical community ay ang estilo ng pamumuno ni Pangulong Rodrigo Duterte, na nagpapakalat daw ng mali-maling impormasyon sa pandemya. 

"One reason for failure to suppress the epidemic is a style of political leadership that has been called medical populism," ayon sa papel na inilabas ng journal noong ika-14 ng Setyembre.

"Not only does medical populism frustrate the implementation of (non-pharmaceutical interventions), but it also stokes opposition to simple measures such as wearing face masks, and it breeds misinformation and rumour trafficking."

Aniya, "minamaliit" raw ng ilang state leaders gaya nina Duterte, US President Donald Trump at Brazilian President Jair Bolsonaro ang epekto ng COVID-19 pandemic, kasabay ng paghahapag ng solusyong simple sa problemang komplikado. Minsan, ipinagmalalaki pa raw nila ang kanilang "medical knowledge" para suportahan ang mga desisyong ito — kahit hindi sila doktor.

Malimit din daw na lumikha ng "spectacle" ng mga ganitong tipo ng pamahalaan, kaysa siyentipikong tugunan ang problema ng pandemya.

Pinaghahati rin daw nina Duterte, Trump at Bolsonaro ang publiko sa pagitan ng "taumbayan" at "peligrosong mga indibidwal," gaya na lang ng pag-a-isolate ng mga kritiko ng pandemic response ng mga gobyerno.

Medical populism

Ang konsepto ng "medical populism" ay pinalawig ni Gideon Lasco sa kanyang papel na "Medical populism and the COVID-19 pandemic," bagay na na-publish noong ika-3 ng Mayo, 2020.

"[F]rom January to Mid-March, was dismissive of the virus, [Duterte was] telling the public in February 10 that he wanted to ‘slap’ the virus, adding that ‘There are some kibitzers in politics, idiots if you may, who, when this issue broke, are asking: What is the government of the Republic of the Philippines doing? All pessimistic,’ he said," wika ni Lasco.

"While Duterte was simplifying and downplaying the virus, the relative paucity of new cases – there were only three confirmed cases at the end of February – allowed his administration to cautiously declare success, with the health secretary Francisco Duque announcing on March 2 that the country has become an ‘example’ for the world, citing a WHO commendation (Madarang, 2020)."

Bagama't ini-invoke daw ni Duterte ang agham bilang gabay ng Pilipinas laban sa pandemya, katawa-tawa at wala raw batayan sa siyensya. Nagpipigil din daw si Duterte na sisihin ang Tsina, na kanyang kaalyado, habang sinisisi naman ang mga political opponents kaugnay ng COVID-19.

Aniya, inililipat daw ni Duterte ang atensyon ng publiko sa pagsisi sa mga "pasaway" at "Kaliwa" dahil sa pagsuway sa quarantine protocols, at habang nananakot pang dapat silang patayin.

"My orders to the police and military... if there is trouble and there’s an occasion that they fight back and your lives are in danger, shoot them dead," wika ni Digong noong Abril patungkol sa lockdown violators.

Duterte at COVID-19 fake news

Hinikayat naman ng The Lancelet na makinig ang mga pamahalaan sa mga totoong medical professionals at international agencies pagdating sa COVID-19.

Sinabi ito ng medical journal habang panay retiradong military generals ang nasa pamunuan ng National Task Force (NTF) laban sa virus. Gaya na lang ni Defense Secretary Delfin Lorenzana, na chairperson nito. Kasama rin nila si sina Interior Secretary Eduardo Año bilang vice chair habang chief implementer ng NTF si Peace Process Secretary Carlito Galvez Jr. Ex-general din ang dalawa.

"All countries should combat decisions based on rumor-mongering and misinformation. Leaders should desist from expressing personal viewpoints that are at odds with science," sambit pa ng journal.

Mahaba-haba ang kasaysayan ni Digong pagdating sa unscientific claims pagdating sa COVID-19, bagay na nasisipat bilang peligroso ng ilang observers.

Gaya na riyan ang kanyang sabi-sabi na "airborne" ang virus nito at pagpupumilit na pwedeng ipang-disinfect ng face mask ang gasolina.

May kaugnayan: Roque sa tip ni Duterte na 'i-disinfect ng gasolina ang mask': Kayo naman, joke only

Noong Lunes, sinabi rin ni Digong na dapat ay "mag-spray" na lang ng pestisidyo kontra COVID-19 mula sa mga eroplano kung seryoso si Vice President Leni Robredo sa kanilang mga kritisismo sa tugon ng gobyerno.

Basahin: From slapping ‘veerus’ to spraying pesticide: How Duterte’s remarks against COVID-19 have evolved 

Sa huling tala ng Department of Health (DOH), umabot na sa 291,789 ang tinatamaan ng pathogen. Sa bilang na 'yan, 5,049 na ang namamatay.

DOH: Tuloy lang kami sa trabaho

Samantala, iginiit naman ni Health Undersecretary Maria Rosario Vergeire na hindi mapipigilan ng mga komento ng The Lancelet ang puspusang pagtratrabaho ng mga doktor upang sugpuin ang COVID-19.

"We always recieve naman itong mga ganitong komento. There are rankings, and there is specific comments. But ang sa amin, magtratrabaho lang kami nang tuloy-tuloy," wika niya sa mga reporters, Miyerkules.

"Kami po ay sama-samang nagtra-trabaho. We are doing a whole of nation and a whole of society approach to this response that we have for COVID-19."

Aniya, anuman ang mangyari ay gagawin nila ang kanilang makakakaya para alagaan ang nasyon at masagip mula sa tiyak na kamatayan.