Ilang lugar sa Pinas posibleng ilagay sa ‘new normal’ sa Oktubre
MANILA, Philippines — Magkakaroon ng bagong klasipikasyon sa Oktubre at posibleng ilagay sa “new normal” ang ilang lugar sa bansa na wala ng kaso ng COVID-19, ayon sa Malacañang.
Sinabi ni Presidential Spokesperson Harry Roque, may mga lugar na zero ang transmission ng virus kaya puwede na silang makabilang sa “new normal.”
Sa ngayon, ang modified general community quarantine (MGCQ) ang pinakamaluwag na uri ng quarantine sa bansa.
“In that sense, magkakaroon tayo ng mga bagong classification, magkakaroon tayo ng new normal aside from MGCQ,” sabi ni Roque.
Halos lahat ng lugar sa bansa ay nasa ilalim na ng MGCQ hanggang sa katapusan ng buwan samantalang nananatili sa general community quarantine (GCQ) ang Metro Manila.
Inaasahang mag-aanunsiyo si Pangulong Rodrigo Duterte nang pagbabago sa klasipikasyon ng quarantine bago magsimula ang Oktubre.
Matatandaan na dati’y idinedeklara ang pagbabago sa quarantine tuwing ikalawang linggo pero nitong huli ay pinalawig ito at ginawang isang buwan.
- Latest