Sa pagdagsa ng tao sa Manila Bay: ‘Hindi lang PNP ang may kasalanan’
MANILA, Philippines — Tahasang sinabi ni PNP Chief General Camilo Cascolan na hindi dapat sisihin ang pulis dahil may pagkakasala rin ang mga taong dumagsa sa Manila Bay nitong weekend para makita ang artificial White Sand Baywalk.
Ang reaksiyon ni Cascolan ay bunsod ng pagkakasibak kay Manila Police District (MPD) Station 5 na si Police Lt. Col. Ariel Caramoan dahil sa command responsibility.
Ani Cascolan, mahirap naman aniya kung sa pulis lang isisi ang pagdagsa ng tao sa Manila Bay kung saan hindi nasunod ang social distancing.
Sinabi ni Cascolan na dapat na naging responsable ang publiko dahil nananatili ang banta ng COVID-19 pandemic.
Giit ni Cascolan, dapat na makiisa naman ang publiko sa mga ipinaiiral na health safety protocols gaya ng social distancing at mass gatherings.
Alinsunod sa Bayanihan Act na binuo nang magsimula ang COVID-19 pandemic, bawal ang mass gathering o assembly, pag-obserba sa social distancing, pagsuot ng face shield at face mask at madalas na disinfections.
Sinabi pa ng PNP chief na ang laban sa COVID ay hindi lang sa pulis kundi laban ng lahat.
Related video:
- Latest
