State of calamity sa COVID-19 tiniyak na palalawigin
MANILA, Philippines — Tiniyak ng Malacañang na palalawigin ni Pangulong Rodrigo Duterte ang state of calamity sa buong bansa dahil sa COVID-19.
“It’s on the desk of the President, probably signed by now, [and] on its way down to the Office of the Executive Secretary,” wika ni Presidential spokesperson Sec. Harry Roque.
Una nang sinabi ni Roque na ang rason sa pagpapalawig ay ang kawalan pa rin ng bakuna.
Inaasahan aniya na magkakaroon ng bagong proklamasyon bagaman at hindi pa tiyak kung tatagal itong muli ng anim na buwan.
Nakatakda ng mapaso ngayong buwan ang idineklarang 6-month state of calamity ng Pa-ngulo noong Marso 16. Nakasaad sa proklamasyon na maaari itong palawigin ng Pangulo kung kinakailangan.
Ang deklarasyon ng state of calamity ay nagpahintulot sa pamahalaan para makatugon sa health crisis.
- Latest
