Duterte magdedesisyon sa distancing sa public transportation
MANILA, Philippines — Inaasahang ihahayag ngayon o sa susunod na araw ni Pangulong Rodrigo Duterte ang desisyon tungkol sa pagpapaliit ng distansiya ng mga pasahero sa mga pampublikong sasakyan.
Nagharap na kahapon ang mga kontra at pabor sa naunang desisyon na ipinalabas ng Inter-Agency Task Force (IATF) for the Management of Emerging Infectious Diseases na bawasan ang distansiya.
Ayon kay Presidential Spokesperson Harry Roque, naging mahaba ang talakayan pero sa huli ay si Duterte ang maglalabas ng desisyon.
Tiniyak din ni Roque na ibabase sa siyensiya at payo ng mga doktor ang magiging rekomendasyon na aaprubahan naman ni Duterte.
Kasama sa mga naniniwala na hindi dapat bawasan ang isang metrong distansiya ay sina Health Undersecretary Rosario Vergeire at Dr. Antonio Dans ng University of the Philippines.
May mga doktor din naman na naniniwala na maaaring bawasan o paiikliin ang distansiya basta susunod sa pagsusuot ng mask at face shield ang mga pasahero.
Dapat din umanong ipagbawal ang pagsasalita at pagkain upang hindi kumalat ang COVID-19.
- Latest