Sekyu, janitor, iba pa bigyan ng hazard pay
MANILA, Philippines — Dahil nakaharap din sa panganib ng COVID-19, dapat din bigyan ng hazard pay ang mga security guard, janitor at maintenance personnel sa mga pampublikong ospital
Sinabi ni Sen. Ralph Recto, bukod sa mga nabanggit dapat may hazard pay din ang mga sanitation workers, housekeeper at building maintenance staff na kapag nawala ay magko-collapse ang mga ospital.
Iginiit ni Recto na kung nagbibigay ng ayuda ang gobyerno sa mga tao para hindi lang lumabas sa kani-kanilang mga tahanan para makaiwas lang sa virus ay dapat din bigyan ng ayuda ang mga buwis buhay sa pagtatrabaho sa mga pampublikong ospital.
Maaari naman umanong gumawa ng batas para dito ang Kamara at Senado sa pakikipagkonsultasyon na rin sa Department of Health (DOH) at sa Department of Budget and Management (DBM).
Subalit mas magiging mabilis umano ang pagbibigay ng tulong kung mag-iisyu ang Pangulo ng kautusan.
Ang mga guwardya at house keeping personnel ay mga kawani ng pribadong kumpanya na nakikipagkontrata sa gobyerno.
- Latest
