LPA, ganap ng bagyo
MANILA, Philippines — Ganap ng bagyo ang isang low pressure area (LPA) na namataan sa labas ng Philippine Area of responsibility (PAR) na tatawaging Dindo.
Alas-10 ng umaga kahapon, ang sentro ni bagyong Dindo ay namataan sa layong 825 kilometro silangan ng Tuguegarao City, Cagayan at patuloy ang pagkilos pakanluran hilagang kanluran sa bilis na 10 kilometro bawat oras.
Taglay ni Dindo ang lakas ng hangin na umaabot sa 55 kph at pagbugso na 70 kph.
Magdudulot ang bagyo ng katamtaman hanggang sa malakas na pag-ulan sa buong Luzon, Western Visayas at Zamboanga Peninsula.
Ngayong Linggo, nasa layong 460km hilagang silangan ng Basco, Batanes si Dindo pero lalabas na rin sa Lunes.
- Latest