3 ektaryang lupa sa Cebu City ginawang libingan ng mga namamatay sa COVID-19
MANILA, Philippines — Nasa tatlong ektaryang lupain ang inilaan ng Cebu City Government para gawing burial site o libingan ng mga namamatay dahil sa COVID-19.
Ayon kay retired General Wilben Mayor ng National Task Force COVID -19, ginawa ito ng Cebu City at inaprubahan ng Inter-Agency Task Force for the Management of Emerging Infectious Diseases (IATF-EID) Visayas dahil sa kakulangan ng crematoriums sa siyudad.
Aniya, tatlong crematorium lang meron sa Cebu City at kada araw ay apat na bangkay lamang ang naki-cremate kaya wala silang ibang opsyon kundi ilibing ang mga namamatay sa COVID.
Ang libingan ay makikita sa Sitio Catives II ng Cebu City at tinawag na Cebu City Botanical Memorial Garden.
Tiniyak naman ni Cebu City Councilor Dave Tumulak na siya ring chairperson ng city council’s Committee on Risk Reduction and Management na walang risk sa kalusugan ng mga residenteng malapit sa lugar.
Sa halip, makakatulong pa nga raw ito para magkaroon ng kabuhayan ang mga residente na malapit sa area.
- Latest
