2020 Bar Exams sa Pebrero na

MANILA, Philippines — Nagdesisyon ang Korte Suprema na isa­gawa na lamang ang 2020 Bar Examinations sa susunod na taon na hindi mas aaga sa Pebrero.

Ito ay makaraang suspendihin muna ang pagsusulit ngayong taon dahil sa banta ng COVID-19.

Sinabi ni Supreme Court Associate Justice Marvic Leonen na ito ay upang mabigyan ng sapat na panahon na magkaroon ng ‘adjustment’ sa mga polisiya ng pamahalaan at maihanda ang mga dokumento para sa kaligtasan ng mga lalahok sa pagsusuri.

Isasagawa rin ang pagsusulit sa Manila at Cebu makaraang aprubahan ang panukala ni Leonen na gawing regional ito at mas epektibong makalahok ang mga law students sa mga probinsya.