1 milyong Pinoy target ma-COVID test sa August
MANILA, Philippines — Target ng gobyerno na maisailalim sa COVID-19 testing ang nasa isang milyong Pinoy o 1-2 porsiyento ng populasyon, sa buwan ng Agosto.
“We are planning to test more or less 1% or 2% ng ating population. Meaning more or less mga one million ang target namin by August. Tuloy-tuloy po ang gagawin nating test,” ayon kay Inter-Agency Task Force Against COVID-19 Chief Implementer Secretary Carlito Galvez Jr.
Sinabi ni Galvez na plano ng pamahalaan na makabili ng 11 milyong PPEs.
“Sa ngayon more or less mga three million na ang ating nai-distribute, one million ang ating na-procure na P1.8 billion, at saka more or less ‘yung tulong ng ating mga private sector at saka LGU’s more or less mga two million. So three million na po ang initially na-distribute sa mga frontliners,” dagdag pa nito.
“‘Yung ating mga test kits saka consumables meron pong dumating na more or less 74,000, by next week i-stablize na po namin ang supply chain. At nakikita natin ‘yung mga testing capacity natin mag-i-increase na po,” ayon pa kay Galvez.
Umabot na sa P14.1 bilyon ang nagasta ng pamahalaan sa pagbili ng PPEs, test kits at iba pang medical equipments kaugnay ng paglaban ng pamahalaan sa COVID-19.
Una rito, sinimulan na rin ng Department of Science and Technology ang mass production ng mga reusable face masks sa rate na 10,000 masks kada linggo at hangad itong mapataas sa 50,000/linggo bago magtapos ang Hunyo.
- Latest
