Jeepney, UV Express drivers gawing cargo transporters

MANILA, Philippines — Iminungkahi ni ACT-CIS Partylist Rep. Jocelyn Tulfo sa mga kumpanya ng GRAB at iba pang Transport Network Companies (TNCs) na gawing cargo transporters ang mga jeepney at UV Express drivers upang maibsan ang pagkagutom ng kanilang pamilya.

“Higit dalawang buwan nang hindi pinapayagang pumasada ng Inter Agency Task Force (IATF) ang mga jeepney drivers, huwag natin silang hayaan na patuloy na magutom,” apela ni Tulfo.

Sinabi ni Tulfo na sa kabila ng nasa General Community Quarantine (GCQ) na sa Metro Manila at iba pang mga lugar ay hindi pa rin pinahihintulutan ang mga jeepney at UV Express drivers na makabiyahe.

“Some of all PUJs and UV express units could be mobilized for cargo transport of companies allowed to operate. PUJs can do cargo transport for hire and transport of relief goods and equipment,” giit niya.

Ayon kay Tulfo umaapela siya sa Grab at iba pang TNCs na kunin ang serbisyo ng mga PUJs at FX drivers bilang mga cargo transporters.

“The FX units could also serve as health care frontliners transporters,” ani Tulfo.