COVID lockdown ‘worth it’

Ayon sa 84.% pinoy

MANILA, Philippines — Naniniwala ang nasa 84 na porsyento ng mga Filipino na “worth it” ang quarantine measures ng pamahalaan upang maiwasan ang pagkalat ng COVID-19. 

Sa survey ng Social Weather Stations (SWS) na isinagawa noong Mayo 4-10, 15 porsyento rin ang naniniwala na marami ang pasakit ng stay-at-home measures habang 1 porsyento sa mga hakbang na ito ang worth it upang pangalagaan ang mga tao ngunit marami rin ang pinahihirapan.

Mas mataas sa Metro Manila at Balance Luzon ang percentage ng mga nagsasabi na “worth it” ang lockdown policy, at 84% sa Visayas kumpara sa 81% sa Mindanao.

Mahigit 80% Filipino ang sumang-ayon sa stay-at-home measure sa mga lugar sa ilalim ng Enhanced Community Quarantine (ECQ) sa 84% at General Community Quarantine (GCQ) sa 83%.

Isinagawa ito gamit ang mobile phone at computer-assisted telephone kung saan kinapanayam nito ang 4,010 working-age Filipinos na edad 15 pataas.