Duterte pinaiiwas ang mga Muslim sa mga 'misguided ideology' sa simula ng Ramadan
Nagdarasal ang lalaking Muslim na ito sa Salam Mosque sa Culiat, Quezon City.
The STAR/Michael Varcas, File
Duterte pinaiiwas ang mga Muslim sa mga 'misguided ideology' sa simula ng Ramadan
(Philstar.com) - April 23, 2020 - 4:47pm

MANILA, Philippines — Sa pagsisimula ng Ramadan bukas, pinaalalahanan ni Pangulong Rodrigo Duterte ang Pilipinong Muslim na huwag kumagat sa halina ng armadong pag-aaklas na nagdudulot diumano ng gulo sa bansa.

"[N]awa'y maantig kayong isulong ang pagwawaksi sa mga ideolohiyang maglilihis sa atin ng landas upang makamit ang tunay na progresibo at inclusive na lipunan," sabi ni Digong sa Inggles.

"Sa ngalan ni Allah, pinaka-Mapagpala, pinaka-Mapagpatawad, sana'y sumainyo ang kapayapaan at mga biyaya ngayong Ramadan."

Nagmula si Duterte sa katimugang pulo ng Mindanao, kung saan laganap ang mga radikal na grupo gaya ng New People's Army, Moro Islamic Liberation Front, Moro National Liberation Front at mga teroristang grupo gaya ng Abu Sayyaf sa ilang lugar.

Ilang beses nang sinabi ni Duterte na isang Maranao ang kanyang lola, isang grupong katutubo na kadalasa'y nagpra-practice ng Islam.

"Habang binabasa niyo ang mga rebelasyon ni Allah nana may panibagong dedikasyon at lakas, sana'y ma-inspire kayo ng mga sagradong teksto na mabuhay na busilak at may kaliwanagan," sabi pa niya.

"Sana patibayin ng inyong pananampalataya't mga sakripisyo ang inyong pangakong makipagbuklod-buklod sa inyong mga kababayan, anuman ang relihiyon."

Matatandaang nabuo ang Bangsamoro Autonomous Region in Muslim Mindanao habang nanunungkulan si Digong. — James Relativo at may mga ulat mula kay The STAR/Alexis Romero

COMMUNIST PARTY OF THE PHILIPPINES IDEOLOGY ISLAM MORO ISLAMIC LIBERATION FRONT MORO NATIONAL LIBERATION FRONT MUSLIM NEW PEOPLE'S ARMY RAMADAN RODRIGO DUTERTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with