6 pang Pinoy sa abroad nasawi sa COVID-19

MANILA, Philippines — Sa datos ng Department of Foreign Affairs (DFA), umakyat na sa 49 ang bilang ng mga Pilipino na nasasawi sa ibang bansa dahil sa nadagdag na anim dito  at 525  na ang infected ng nasabing virus.

Sa nasabing bilang, 344 dito ang sumasailalim sa treatment habang ang 132 ay gumaling  na at nakalabas na ng ospital.

Sa pinakahuling talaan ng DFA, may 11% increase sa bilang ng kumpirmadong kaso ng COVID sa mga Pilipino sa buong mundo kung saan 51 ang bagong kaso mula sa America, Asia Pacific at Europe.

Ang Amerika at Europe ang may pinakamataas na kaso ng COVID-19 nitong nakalipas na mga linggo.