Kaso ng COVID-19 nadagdagan ng 414 habang patay 163 na
MANILA, Philippines (Updated 6:38 p.m.) — Hindi pa rin humuhupa ang pagdami ng kumpirmadong kaso ng coronavirus disease (COVID-19) sa bansa, Lunes, habang nagpapatuloy ang Mahal na Araw.
Umabot na sa 3,660 ang bilang ng tinamaan ng COVID-19 sa Pilipinas matapos madagdagan ng 414 panibagong kumpirmadong kaso sa isang araw.
Nadagdagan din ng ang 11 nasawi, kung kaya't 163 na lahat-lahat ang namamatay dahil sa virus.
Sinwerte namang gumaling ang siyam na kaso, kung kaya't 73 na ang total number ng naka-recover.
Sa update ng DOH, sinasabing 41 ang patients under investigation (PUIs) na kasalukuyang nasa ospital mula sa sari-saring rehiyon sa bansa:
Cordillera Administrative Region (1)
Cagayan Valley (1)
Ilocos (1)
Central Luzon (12)
National Capital Region (23)
Calabarzon (1)
Central Visayas (1)
Soccsksargen (1)
Umabot na ng mahigit 23,000 tests ang isinasagawa sa bansa, kasama ang mga retests at validations.
Ayon kay Health Undersecretary Ma. Rosario Vergeire, kakailanganin munang suriin ng ahensya ang trend ng COVID-19 infections at kapasidad ng healthcare system ng bansa bago irekomenda ang pagtatapos ng enhanced community quarantine (ECQ) kaugnay ng pandemic.
Lumobo na sa 62,784 ang pumanaw dulot ng virus sa buong mundo habang 1,133,758 na ang tiyak na tinamaan nito, ayon sa World Health Organization. — may mga ulat mula kay Gaea Katreena Cabico
Related video:
- Latest
