COVID case sa mundo aabot sa 1 milyon, 50K mamamatay - WHO
MANILA, Philippines — Posible pa umanong lumobo ng 1 milyon ang kaso ng COVID-19 habang 50,000 naman ang mamamatay dahil dito.
Ito ang nababahalang pahayag ng World Health Organization (WHO) dahil sa mabilis na paglobo ng bilang ng kumpirmadong kaso ng coronavirus sa buong mundo.
“Over the past five weeks, we have witnessed a near exponential growth in the number of new cases, reaching almost every country, territory and area,” ayon kay WHO Director-General Tedros Adhanom Ghebreyesus.
Binigyang-diin din nito na kahit ang mga scientists ay hindi pa gaanong napag-aaralan ang nakamamatay na virus. Aniya, ito raw ang kauna-unahang pandemic sa buong mundo na dulot ng coronavirus.
Unang na-trace ng mga siyentipiko ang coronavirus mula sa DNA ng paniki.
Huling nagdeklara ang WHO ng pandemic noong 2009 H1N1 swine flu outbreak.
Related video:
- Latest