_ngayon
^

Bansa

Misa sa simbahan kanselado

Danilo Garcia - Pilipino Star Ngayon
Misa sa simbahan kanselado
Dumagsa pa rin ang mga deboto sa Quiapo Church kahapon sa kabila ng anunsiyo ni Pangulong Duterte na bawal muna ang mass gatherings at magpatupad “social distan­cing” para maiwasang kumalat ang COVID-19.
Miguel De Guzman

MANILA, Philippines — Isang linggong kinansela ng Archdiocese of Manila ang banal na misa ng kanilang mga simbahan bilang pagtitiyak sa kaligtasan ng mga mana­nampalataya at mga taong simbahan sa COVID-19.

Sa pastoral letter na inilabas ni Manila Apostolic Administrator Bishop Broderick Pabillo, sinabi niyang kanselado ang mga Banal na Misa sa buong arkidiyosesis mula Marso 14-20 para sa kaligtasang pangkalusugan ng mamamayan.

Bilang kapalit ng misa, magsasagawa ang mga simbahan sa ilalim ng Archdiocese of Manila ng sabayang pagpapatunog ng kanilang mga kampana tuwing alas-12 ng tanghali at alas-8 ng gabi upang ipanawagan sa publiko na magdasal ng “Oratio Imperata” bilang panawagan sa paglaban sa virus.

Naniniwala ang simbahan na ang taimtim na panalangin sa Panginoon ay mas magpapalapit sa Kaniya at ilalayo naman ang mananampalataya sa naturang sakit.

Tugon rin ito ng Simbahan sa panawagan ng Department of Health (DOH) sa pag-iwas sa mga pagtitipon ng ma­raming bilang ng tao. 

Bukod sa misa ay kanselado rin ang iba pang pampublikong aktibidad ng simbahan sa buong linggo.

MISA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with