Klase sa bansa ’di sususpindihin - Palasyo
Kahit highest level na ang COVID-19
MANILA, Philippines — Sa kabila ng pagtataas ng World Health Organization (WHO) ng global virus risk ng COVID 19 sa maximum level, walang plano ang Malakanyang na suspindihin ang klase sa buong bansa.
Ayon kay Presidential spokesman Salvador Panelo, walang nakikitang rason ang pamahalaan para ipatigil ang klase.
Katunayan, sinabi ni Panelo na hanga ang WHO sa pagtugon ng Pilipinas sa COVID-19.
Una nang nagsuspinde ang ilang eskwelahan sa Japan dahil sa COVID-19
Samantala, pinakakalma ng Malakanyang ang publiko sa kabila ng paglalagay ng WHO sa ‘very high level’ ang Coronavirus Disease o COVID-19.
Wala aniyang dapat na alalahanin ang publiko dahil maayos ang pag-contain ng Pilipinas sa COVID-19.
Ani Panelo, nakalatag na ang lahat ng protocols para masiguro na maayos na natutugunan ng pamahalaan ang COVID-19.
Sinabi pa ni Panelo na regular na nagpupulong ang Inter-Agency Task Force (IATF) on Emerging Infectious Disease para i-assess ang epekto ng COVID-19 sa bansa.
- Latest