Mga gusali sa Metro Manila guguho sa Intensity 8
MANILA, Philippines — Maraming istruktura sa Metro Manila ang posibleng gumuho at masira sakaling tumama ang intensity 8 na lindol.
Ayon kay Phivolcs Director at DOST Undersecretary Renato Solidum sa Meet the Press forum ng National Press Club (NPC), walang mahalaga at mainam na paraan kundi ang laging handa para sa pagliligtas ng buhay at ari-arian.
Aniya, mahalaga ang tulong ng lokal na pamahalaan sakaling magkaroon ng sakuna dahil sila ang mas nakakaalam sa kalagayan ng mga residenteng maaapektuhan.
Sakaling tumama ang intensity 8, ilang gusali sa Maynila ang maaapektuhan ng liquefaction o paglubog, tsunami at pagbaha.
Mainam din aniyang huwag munang magtayo ng anumang istraktura sa lugar na mataas ang panganib tulad na lamang ng mga bulkan na aktibo o maaaring sumabog anumang oras.
Payo rin ni Solidum, na habang may nangyayaring aktibidad sa mga bulkan, mas maiging huwag munang bumalik ang mga residente sa paligid nito dahil walang kasiguraduhan dito.
- Latest