445 Pinoy mula sa barkong tinamaan ng COVID-19 lumapag ng Pilipinas

MANILA, Philippines — Nakarating nang lahat ang 445 Pilipong pinauuwi ng bansa matapos makasakay ng barko na lubhang tinamaan ng nakamamatay na coronavirus disease 2019 (COVID-19).

Lumapag ang unang batch ng 309 pasahero kagabi mula Haneda Airport sa Japan habang dumating naman ang nalalabing 136, Miyerkules nang umaga.

Dumating ang dalawang batches ng repatriates matapos ilikas sa MV Diamond Princess cruise ship, kung saan kumalat ang nakamamatay na sakit.

DFA succesfully brings home 445 Filipinos from MV Diamond Princess onboard two @flyPAL chartered flights from Haneda Airport.https://t.co/1mOtJhYQ6m

Domo arigatogozaimashita, Japan! ?????????? pic.twitter.com/oJW9AUxYKN

— DFA Philippines (@DFAPHL) February 25, 2020

"Pinayang bumaba ng barko ang mga repatriates matapos ilabas ng Japanese Ministry of Health na negatibo ang kanilang laboratory results," sabi ng Department of Foreign Affairs sa Inggles.

"Parehong tinanggap ang mga nasabing flights sa Haribon Hangar sa Clark Airbase, Pampanga." 

Pare-parehong magtutungo sa New Clark City Athletes' Village sa Capas, Tarlac ang mga repatriates, kasama ang team ng DFA at Department of Health para sa 14-araw na quarantine program.

Sari-saring amenities ang tiniyak ng gobyerno para sa mga pinauwi upang masigurong kumportable at "at home" sila habang inihihiwalay sa iba.

DOH ensured that the 14-day quarantine will be a comfortable experience for our repatriated kababayans. Fixtures and amenities are provided to each repatriate to make them feel at home. #COVID19 #DiamondPrincess pic.twitter.com/7aAzErYWct

— Department of Health (@DOHgovph) February 25, 2020

Umaabot sa 538 ang Filipino crew at pasaherong sakay ng barko, kung saan nagpositibo sa COVID-19 ang 19. Tubong Pilipinas ang ilang nagpositibo.

Isinagawa ang pagbabalik-bansa ng mga Pilipino sa utos ni Pangulong Rodrigo Duterte at inter-Agency Task Force on Emerging Infectious Diseases, sa pakikipagtulungan ng gobyernong Hapon.

Related Stories

Pinoy na may COVID-19 sa Japan cruise ship, 80 na