Pinoy na may COVID-19 sa Japan cruise ship, 80 na
MANILA, Philippines — Pumalo na sa 80 ang mga Pinoy na may COVID-19 mula sa MV Diamond Princess cruise ship na nakadaong sa Yokohama, Japan.
Ayon kay Health Secretary Francisco Duque III, 21 ang nadagdag mula sa 59 na positibo sa sakit dahilan para umabot na sa 80 ang bilang.
Gayunman, pawang mga mild naman aniya ang sintomas ng mga Pinoy at patuloy na binabantayan ang kanilang kondisyon.
Samantala, nananatili sa dalawang Pinoy ang nakumpirmang may COVID-19 sa UAE.
Ang isa sa kanila na 38-anyos ay masusing binabantayan sa ospital dahil sa hindi magandang kondisyon.
Mayroon namang tig-isang Pinoy na positibo sa sakit sa Hong Kong at Singapore.
Sa kabuuan mayroong 84 na Pinoy na positibo sa COVID-19 sa apat na mga bansa. Malou Escudero
- Latest