Taal ‘di pa rin nananahimik
MANILA, Philippines – Hindi pa rin nananahimik ang Bulkang Taal sa Batangas matapos makitaan ng pamamaga ang bunganga nito na senyales na patuloy ang mga aktibidad sa loob nito.
Sa kabila nito, inalis ng Philippine Institute of Volcanology and Seismology (Phivolcs) ang pangamba ng mga residente sa Batangas sa bagong aktibidad ng bulkan dahil hindi naman ito magreresulta ng agarang pagsabog.
Ayon sa Phivolcs, ang nakitang pamamaga ng bunganga ng bulkan ay mga naiwang magma sa pagsabog ng bulkan noong January 2020.
Sa nakalipas na 24 oras, nakapagtala ang bulkan ng 2 volcanic earthquakes lamang at pagluwa ng 288 tonelada ng asupre.
Nanatali naman sa alert level 2 ang Taal na nangangahulugan na nasa moderate level of unrest ang bulkan.
Patuloy pa ring ipinagbabawal ang pagpasok ng sinumang indibidwal sa loob ng 6 kilometer radius permanent danger zone sa paligid ng bulkan para sa hindi maiiwasang aktibidad tulad ng ashfall, explosions, lava collapse at pyroclastic flows.
- Latest
