ABS-CBN walang utang sa buwis – BIR

MANILA, Philippines — Walang utang sa bu­­­wis ang ABS-CBN, pag­lilinaw ng Bureau of Internal Revenue (BIR) bilang reaksiyon sa ulat na may malaki itong pagkakautang sa pamahalaan dahilan para hindi mai-renew ang  franchise nito na nakatakdang mapaso sa Marso.

Ayon kay BIR Deputy Commissioner Arnel Guballa, walang pen­ding tax issue ang ABS-CBN  at nagbayad ito ng kabuuang P70.5 bilyon sa buwis sa nakalipas na 17 taon kung saan maitutu­ring na isa ang kumpanya sa pinakamalaking magbayad ng buwis sa gobyerno.

Aniya, nagpalabas ang BIR sa ABS-CBN ng Tax Clearance Certificate noong 2019 at kinilalang isa sa top 200 Non-Individual Taxpayers sa ating bansa.