Pagpahid ng abo sa Ash Wednesday bawal muna
MANILA, Philippines — Tahasang sinabi ng Catholic Bishops Conference of the Philippines (CBCP) na wala munang pagpapahid ng abo sa noo sa Pebrero 26, Ash Wednesday, na pagsisimula ng Kuwaresma.
Ayon kay CBCP Vice President at Kalookan Bishop Virgilio David, kailangan lamang na gumawa ng ilang pag-iingat ang Simbahang Katoliko bunsod na rin ng patuloy na banta ng Coronavirus Disease (COVID)-19.
Aniya, sa halip na pagpapahid ng abo sa noo, maaaring ibudbod na lamang ito sa bumbunan ng mananampalataya.
Hindi rin nirerekomenda ang paglalagay ng ‘agua bendita’ sa mga lalagyan sa bukana ng simbahan. Sa halip ay hintayin na lamang ang pagwiwisik ng holy water sa mga mananampalataya.
Gayunman nilinaw ni David na walang suspensiyon sa ibang gawaing simbahan sa Pilipinas.
- Latest