Kulusugan ng mamamayan sa Benguet uunahin ng solon
MANILA, Philippines — Matapos italaga bilang caretaker, prayoridad ngayon ni ACT-CIS Cong. Eric Yap ang kalusugan ng mga mamamayan ng lone district ng Benguet.
Layunin ni Cong. Yap na mabigyan ng solusyon ang kakulangan ng gamot at pondo ang ospital sa Benguet, kawalan ng tamang waste disposal at magkaroon ng farm to market road sa probinsiya.
Si Cong. Yap ang itinalaga ng Kongreso bilang caretaker ng naturang distrito matapos pumanaw si Cong. Nestor Fongwan Sr., noong Disyembre, 2019.
Nais din ni Yap na magkaroon ng ‘environment friendly garbage disposal’ sa nasabing lalawigan.
Anya, ang Benguet ang vegetable capital of the Philippines pero hirap ang mga magsasaka na ibaba at dalhin sa palengke ang ani nilang gulay dahil walang maayos na kalsada.
Tiniyak ni Cong. Yap na gagawin niya ang lahat ng kanyang makakaya para masolusyunan ang mga nasabing problema.
- Latest