Live coverage sa Maguindanao massacre verdict aprub - SC
MAGUINDANAO, Philippines — Kinatigan ng Korte Suprema ang hiling ng iba’t ibang media organization na payagan ang live coverage at live
streaming sa promulgation sa kaso ng Maguindanao massacre sa Disyembre 19.
Sa anunsyo ng Supreme Court kahapon, limitado lamang anila ang mga camera sa loob kung saan naka-focus ang isa sa judge at isa sa mismong
partido at counsel nito habang hindi naman pahihintulutan ang mga ‘zoom-in’ na kuha.
Tanging mga accredited media representatives lamang ang papayagang makapasok dahil sa limitadong espasyo nito.
Ipagbabawal din sa loob ng court room sa Camp Bagong Diwa, Taguig ang cellphone, audio o video recording, at iba pa.
Maging ang pagsasagawa ng interview ay ipinagbabawal din.
Maaalalang 58 indibidwal ang nasawi kung saan 32 ang naitalang journalist sa Ampatuan, Maguindanao noong November 23, 2009.
Ang petisyon na inihain ng National Union of Journalists of the Philippines, Center for Media Freedom and Responsibility at Philippine Center for
Investigative Journalism ay suportado ng mga mainstream news outlet.
- Latest
