Pinas, South Korea pipirma sa 4 na kasunduan
MANILA, Philippines — Apat na kasunduan ang inaasahang lalagdaan ng Pilipinas at South Korea sa gaganaping bilateral meeting nina Pangulong Duterte at Korean President Mon Jae-in sa susunod na linggo.
Sakop ng naturang agreement ang education, tourism, social security at fisheries, ayon kay Foreign Affairs Assistant Secretary Junever Mahilum-West.
Magtutungo si Pangulong Duterte sa South Korea para dumalo sa ASEAN-Korea Commemorative Summit mula November 25-26 sa Busan, South Korea.
“This will be Duterte’s second visit to South Korea, but his first time in Busan. President Duterte scheduled to have bilateral talks with South Korean President Moon Jae-in. We can’t share yet what will be discussed, but we expect certain agreements to be signed,” wika pa ni Asec. Mahilum-West.
Aniya, magkakaroon din ng bilateral talks sa Korea hinggil sa ongoing defense equipment deal pero walang pagkakataon ang Pangulo para makaharap ang Filipino community sa Busan.
- Latest
