Pinoy na nagsabing bumuti ang kanilang buhay nabawasan – SWS

MANILA, Philippines — Bahagyang bumaba ang dami ng mga Pilipinong nagsabing umusad ang kanilang pamumuhay sa nakaraang 12 buwan.

Base ito sa lumabas na SWS survey na nagsabing 36% o plus (+) 11, ng mga Filipino adults ang nagpahayag na naramdaman nila ang improvement sa kanilang pamumuhay.

Isinagawa ang SWS survey para sa ikatlong quarter ng taong 2019. 

Ayon kay Presidential Spokesman Salvador Panelo, kahit may bahagyang pagbaba ito sa dating 46%, nananatili pa rin itong “very high” o “excellent. “ 

Aniya, nagpapasalamat pa rin ang Palasyo sa taumbayan na patu­loy na kumikilala sa pagsisikap ni Pangulong Duterte upang maihatid ang totoong pagbabago para sa bansa.