‘Pag pumalpak ang SEA Games, Cayetano mananagot - Palasyo
MANILA, Philippines — Mananagot ang Philippine Southeast Asian Games Organizing Committee Chair at House Speaker Alan Peter Cayetano kapag nagkaroon ng bulilyaso sa idaraos na Southeast Asian Games, ayon kay Presidential Spokesman Salvador Panelo.
Kasunod ito ng pagkuwestyon ni Sen. Franklin Drilon sa multi-milyong halaga ng cauldron na gagamitin sa SEA Games.
Ayon kay Drilon, kung ginamit ang P50 milyon na pondo para sa ‘kaldero’ ay nasa 50 classrooms na ang naipatayo.
“Speaker Alan Cayetano is accountable to all that relates to the SEA games. Kung ano ang bulilyaso doon, siyempre siya, dahil siya ang nagpapatakbo siyempre accountable siya but meanwhile let us not prejudge him,” sabi ni Panelo.
Inilarawan naman ni Rep. Joey Salceda na ‘Imeldific’ ang nasabing kaldero pero kinakailangan naman ito bilang host country ng SEA Games.
“Kapag nakita mo ‘yung cauldron, mukhang reasonable naman kaso may Imeldific ‘yung dating, may grandiosity,” wika ni Salceda.
- Latest