Gun ban ikinasa sa SEA Games
MANILA, Philippines — Ipatutupad ng Philippine National Police (PNP) ang 25 araw na gun ban upang matiyak ang seguridad kaugnay ng gaganaping ika-30 Southeast Asian (SEA) Games sa bansa.
Base sa ibinabang Memorandum ni PNP Officer-in-Charge Police Lt. Gen. Archie Gamboa sa Regional Director ng National Capital Region Police Office (NCRPO), CALABARZON (Cavite, Laguna, Batangas, Rizal, Quezon) Region IV-A at Central Luzon (Region 3) Police at maging sa buong lalawigan ng La Union ay suspendido muna ang lahat ng Permit To Carry Firearms Outside of Residence (PTCFOR).
Ang 25 araw na gun ban ay epektibong ipatutupad mula Nobyembre 20 (Miyerkules) at tatagal hanggang Disyembre 14 ng taong ito.
Sa mga nabanggit na rehiyon gaganapin ang ika-30 SEA Games na iho-host ng bansa.
- Latest