Duterte natuwa sa pagtanggap ni Robredo sa drug czar post
MANILA, Philippines — Ikinagalak ni Pangulong Duterte ang pagtanggap ni Vice President Leni Robredo sa alok na maging co-chair ng Inter-Agency Committee on Anti-Illegal Drugs (ICAD).
Ayon kay Presidential Spokesman Salvador Panelo, binanggit ito ng Pangulo sa kanilang Cabinet meeting sa Malacañang.
Hindi naman nakadalo si Robredo sa naturang 43rd meeting.
Sabi ni Panelo, ngayong tinanggap na ni Robredo ang pagiging drug czar ay inaasahan umano ng Pangulo na habang nasa frontline ng laban sa iligal na droga, makikita at mapapagtanto ng bise presidente ang mga nangyayari sa ground.
Dito ay makikita rin umano ni Robredo na hindi kagustuhan at hindi kinukunsinti ng administrasyon ang mga extra-judicial killings sa anti-drug war.
Ito’y resulta na rin umano ng mga bayolenteng reaksiyon ng mga nasa illegal drug trade laban sa mga tumutugis sa kanilang anti-illegal drugs operatives na kailangan din namang protektahan ang kanilang mga sarili.
- Latest
