Nadiskubre ni Yap na talamak ang iniisyung PWD ID sa kahit mga walang kapansanan matapos na makasabay niya ang isang pamilya ng mayayaman sa isang restaurant sa Binondo, Maynila at habang nagbabayad ng bill ay nag­labas sila ng mga PWD IDs.
File
Persons With Disability IDs iniisyu sa mga walang kapansanan
Gemma Garcia (Pilipino Star Ngayon) - October 23, 2019 - 12:00am

MANILA,Philippines — Pinaiimbestigahan sa Kamara ni ACT-CIS Rep. Eric Go Yap ang talamak na pag-iisyu ng Persons With Disability (PWD) identification card (ID) ng mga Local Government Units (LGUs) sa mga taong walang kapansanan.

Nadiskubre ni Yap na talamak ang iniisyung PWD ID sa kahit mga walang kapansanan matapos na makasabay niya ang isang pamilya ng mayayaman sa isang restaurant sa Binondo, Maynila at habang nagbabayad ng bill ay nag­labas sila ng mga PWD IDs.

Paliwanag ng kongresista, kung titingnan ay walang mga kapansanan ang mga ito, kaya nagdu­da si Yap na maaring napepeke ang PWD ID.

Dahil dito kaya nag­sagawa umano ng eks­perimento si Yap at inutusan ang may 15 normal na mga katao na walang kapansanan para kumuha ng PWD ID buhat sa ibat ibang siyudad sa Metro Manila at nabigyan sila nito ng walang kahirap hirap matapos na magbayad ng tig P3,000.

Ang mga PWD card ay nagamit umano nang hindi man lamang ina­alam ng mga establisi­m­yento kung totoo o peke ang mga ito.

Bunsod nito kaya  hi­nikayat ng mam­ba­batas ang mga alkalde ng Metro Manila na tingnan ang proseso ng pagbibigay ng PWD ID upang mabatid kung ito ay naabuso at napepeke.

Hinikayat din ni Yap ang mga may hawak ng ID nito na wala namang kapansanan na isurender na ito bago pa sila makasuhan.

Bilyon-bilyong piso na ang nawawalang buwis sa gobyerno dahil sa ben­tahan ng PWD ID.

PERSONS WITH DISABILITY PWD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with