161 surrenderers sa ilalim ng GCTA muling palalayain
MANILA, Philippines – Inihayag ng Department of Justice na umaabot sa 161 convicts na una nang pinalaya dahil sa Good Conduct Time Allowance (GCTA) at sumuko ang muling palalayain mula sa Bureau of Corrections (BuCor).
Ayon kay Justice Undersecretary Markk Perete, ang 161 ay kabilang sa 800 na Persons Deprived of Liberty (PDL) na sumuko at hindi sakop ng GCTA.
Sinabi ni Perete na kailangan na muling tignan at pag aralan mabuti ang kaso ng mga bilanggo lalo pa’t ilan sa mga bilanggo ay kulang-kulang ang records.
Kasalukuyang nililinis ng DOJ at BuCor ang listahan ng mga preso.
Matatandaan na 2,100 convicts ang sumuko matapos na magbaba ng 15-day ultimatum si Pangulong Rodrigo Duterte sa mga preso na may kasong heinous crime.
Maraming convicts ang natakot at sumuko dahil sa ultimatum.
Paliwanag ng mga convicts, napilitan silang sumuko para na rin sa kanilang seguridad.
- Latest