Inaprubahang 2020 national budget ng Kamara naisumite na sa Senado

MANILA, Philippines – Tinanggap na kahapon ng Senado ang panukalang P4.1 Trillion National Budget para sa 2020 na inaprubahan ng House of Representatives.

Ayon kay Sen. Sonny Angara, tatapusin na lang ng mga sub-committees ang ilan pang pagdinig ng mga natitirang ahensiya ng gobyerno at magta-trabaho pa rin kahit naka-break ang Kongreso kung saan pagsasama-samahin ang mga reports.

Nakatakdang magbakasyon ang Kongreso sa Oktubre 5 at magbabalik ang sesyon sa Nobyembre 4, 2019.   

Tiniyak ni Angara na mag-o-overtime ang Senado upang masiguro na maipapasa sa Malacañang ang panukalang national budget bago matapos ang taon. Gemma Garcia