‘P100 milyon ng solons di pork barrel’ - Cayetano
MANILA, Philippines — Iginiit ni House Speaker Alan Peter Cayetano na ang P100 milyon para sa bawat kongresista para sa 2020 national budget ay hindi “pork barrel” funds na labag sa batas.
Nilinaw ni Cayetano na ang nasabing pondo ay nakalaan lamang para gamitin sa mga proyekto ng mga kongresista sa kanilang mga distrito tulad ng pagpapagawa ng mga imprasktraktura na natukoy na rin ng mga lokal na opisyal ng iba’t-ibang ahensya ng gobyerno.
Paliwanag pa ng Speaker na ngayon ay maaari na nilang ibahin ang proyekto dahil ang mga kongresista na ang masusunod kung saan nila ito gustong ilagay na proyekto.
Ngayon ay kasama na rin sa kanilang pagpaplano ng proyekto ang mga district engineer, provincial director, regional director (RD), municipal o provincial agrarian reform officer, agricultural officer kasama ang RD ng agriculture.
- Latest
