Baranggay na apektado ng African swine fever umakyat sa 12
MANILA, Philippines — Isa na namang lugar ang naidagdag sa listahan ng mga nagpositibo sa African swine fever, pagkukumpirma ng Department of Agriculture ngayong Lunes.
Inilagay ang isa pang baranggay sa Antipolo, lugar na hindi pa pinangangalanan, sa quarantine matapos magpositibo sa nakamamatay na sakit ng baboy.
"Mula sa inisyal na laboratory test, oo, positibo ito... Patuloy kaming kukuha ng blood samples," ani William Dar, kalihim sa agrikultura, sa Inggles.
The DA has confirmed that another barangay in Antipolo is now under quarantine after testing positive for ASF.
— Maureen Simeon (@maureensimeon) September 23, 2019
Dar: From the initial laboratory test, yes it is positive. And we are now implementing the 1-7-10 protocol. We will continue to collect blood samples. @PhilippineStar
Ito na ang ikalawang lugar sa Antipolo na apektado ng ASF, at ika-12 sa buong bansa.
Ilan sa mga lugar na una nang kinakitaan ng sakit ay ang:
Rodriguez, Rizal
-
San isidro
-
San Jose
-
Macabud
-
Geronimo
-
San Rafael
-
Mascap
San Mateo, Rizal
- Guitnang Bayan 1
Antipolo, Rizal
- Cupang
Guiguinto, Bulacan
- Pritil
Quezon City
- Bagong Silangan
- Payatas
Bagama't lubhang delikado at nakamamatay para sa mga baboy ang ASF, hindi ito nakaaapekto sa kalusugan ng mga tao.
Gayunpaman, matinding perwisyo ang idudulot nito sa kabuhayan ng mga nasa industriya ng pagbababoy dahil sa halos 100% na mortality rate nito.
Nagpapatupad ngayon ng ban sa importasyon ng baboy mula sa ibang bansa matapos makapasok ang sakit sa bansa.
Pinipigilan din ng ilang local government units ang pagpasok ng mga pork products sa kani-kanilang lugar ngayon upang maprotektahan ang sariling babuyan sa pagkahawa. — may mga ulat mula kay Maureen Simeon
- Latest
