Convicts may hanggang bukas na lang para sumuko

MANILA, Philippines — May hanggang bukas (September 19) na lamang ang mga napala­yang inmates sa pamamagitan ng GCTA Law upang sumuko bago ang itinakdang 15-day ultimatum ni Pangulong Duterte.

Ayon kay Presidential Spokesman Salvador Panelo, hanggang bukas na lamang ang deadline ng Pangulo sa mga napalayang inmates upang sumuko kundi ay ituturing na silang ‘fugitives’.

“As the President said when the deadline lapses, they are deemed fugitives and they can be arrested,” sabi ni Panelo.

Nasa 600 convicts na nakalaya dahil sa Good Conduct Time Allowance ang naibalik na sa Bilibid.

Wala pang pinal na desisyon kung itutuloy ni Pa­ngulong Duterte ang pabuya na P1-M sa kada presong napalaya sa GCTA law na hindi pa rin sumusuko.