Big time oil price hike sisirit
MANILA, Philippines — Makaraan ang tatlong sunod na linggong mga katiting na rollback, magpapatupad naman ng malaking dagdag sa presyo ng petrolyo ang mga kumpanya ng langis ngayong papasok na linggo.
Sa pagtataya ng mga oil experts, nasa P1.40-P1.60 kada litro ang maaaring itaas sa presyo ng gasolina, P.70-P.80 sentimos kada litro sa diesel at P.90-P1 kada litro sa kerosene.
Nauna na ang Pilipinas Shell sa pag-aanunsyo sa pagtaas sa presyo ng kanilang produkto na ipatutupad dakong alas-6:00 ng madaling araw sa Setyembre 17.
Nasa P1.35 kada litro ang itataas ng kanilang gasolina, P1 kada litro sa kerosene at P.85 sa kada litro naman ng diesel.
Nagpatupad ng mga rolbak ang mga kumpanya ng langis mula Agosto 25 hanggang noong nakaraang linggo kung kailan nagtapyas ang mga kumpanya ng langis ng P.50 sentimos sa kada litro ng gasolina at P.10 sentimos sa diesel.
Ang panibagong galaw sa petrolyo ay patuloy na dikta pa rin ng presyo ng inaangkat na petrolyo sa pandaigdigang pamilihan.
- Latest