Libu-libong estudyante nag-walk out para itaboy ang PNP, AFP sa eskwela

MANILA, Philippines — Nagsilabasan sa kani-kanilang mga silid-aralan ang libu-libong estudyante sa buong Pilipinas bilang pagkundena sa planong pagpapapasok ng mga pulis at militar sa mga eskwelahan.

Ito raw ang kanilang pagkilos laban sa panawagan ng ilang opisyal ng gobyerno na masuyod ng mga alagad ng batas ang mga paaralan dahil sa recruitment ng ilang "maka-Kaliwang" grupo.

Sa kanilang inilabas na pahayag kahapon, sinabi ng grupong UP Rises Against Tyranny and Dictatorship na banta ito sa "academic freedom" sa mga eskwelahan.

"With the proposed intervention of the police and military in state universities including the University of the Philippines, such act is expected to lead to mass surveillance and monitoring on the students, faculty members, and officials, especially those who choose to take a stand and voice out the real state of our nation," sabi nila.

Sa Unibersidad ng Pilipinas — Diliman pa lang kanina, tinatayang nasa 5,000 ang dumalo bandang 11:30 a.m. sa makasaysayang A.S. Steps ng Palma Hall.

NOW HAPPENING: WALKOUT SA KLASE!

Students walked out of their classes to defend academic freedom and fight against the state's desperate attempte to forcibly enter our university! #DefendUP#UPWalkout pic.twitter.com/JTgMYPrFrp

— Anakbayan UP Diliman - #OustDuterte (@anakbayanUPD) August 20, 2019

"Hamon sa kabataan na labanan ang tumitinding pasismo at tumindig para sa karapatan at kinabukasan," banggit naman ng League of Filipino Students sa hiwalay na pahayag.

Ayon sa "protest map" na inilabas ng Youth Act Now Against Tyranny, lumalabas na nilahukan ito ng mga estudyante mula Luzon hanggang Mindanao..

In-endorso rin ng mga student regent ng UP at Politeknikong Unibersidad ng Pilipinas ang nasabing pagkilos, na tinawag din nilang "Araw ng Pagluluksa."

Luzon

Sa Kamaynilaan, naglunsad ng mga "decentralized" o hiwa-hiwalay na aksyon sa iba't ibang pribado at pampublikong eskwelahan.

KASALUKUYANG NAGAGANAP:

Kilos protesta sa CAS GATE, UP MANILA #DefendUP #HandsOffOurYouth pic.twitter.com/cbLX2Kr5Hc

— UP Manila CAS Student Council (@UPMCASSC) August 20, 2019

Nagsanib-pwersa naman sila sa paanan ng Mendiola, Maynila bandang ala-una ng hapon at Liwasang Bonifacio pagdating ng alas-tres.

Nagmartsa papuntang Liwasang Bonifacio, Maynila ang iba’t ibang progresibong grupong nanawagan na itigil na ang mga patayan sa ilalim ng administrasyong Duterte at umano'y militarisasyon sa mga paaralan at kanayunan. | via @mariannenriquez pic.twitter.com/8g0dOGTG60

— News5 AKSYON (@News5AKSYON) August 20, 2019

Sa UP Baguio, makikita naman ang pagbarikada ng mga estudyante sa kanilang eskwelahan.

UP Baguio students build a human barricade as a symbollic action to defend their university and other state universities and colleges against campus militarization.

ISKOLAR NG BAYAN, NGAYON AY LUMALABAN!#DefendUP #NoToCampusMilitarization #HandsOffOurYouth pic.twitter.com/yG87XHTHkw

— ???????? R?????????? (@kr_abalos) August 20, 2019

Visayas

Kaugnay ng mga aktibidad, opisyal ding sinuspinde ang mga klase sa UP Visayas sa Iloilo, UP Miag-ao at UP Tacloban.

Sa UP Visayas, makikita naman sa overhead shot na ito ng mga nag-walkout na estudyante.

NOW HAPPENING: UPV Students participate in the UP National Day of Walkout! #DefendUP #UPWalkout pic.twitter.com/TNTH88mFUd

— UPV SOTECH TIBUD #DefendPressFreedom (@UPV_Tibud) August 20, 2019

Makikita naman sa video na inilabas ng opisyal na publikasyon ng UP Cebu kung paanong lumalabas mula sa kani-kanilang classroom ang mga kabataan.

WATCH: UP Cebu students walk out of their classes to air condemnation against campus militarization and attacks against the people. pic.twitter.com/TTxyvKbdDP

— Tug-ani (@upcebutugani) August 20, 2019

Mindanao

Hindi naman nakaligtas mula sa mga protesta ang Davao City, na kilalang tirahan ng Pangulong Rodrigo Duterte.

ICYMI: Progressive individuals and members of the academic union gathered at the University of the Philippines Mindanao Atrium to participate in the system-wide walkout to fight against the police and military intervention in UP campuses across the country.#UPWalkout#DefendUP pic.twitter.com/xKh83wJaia

— Himati (@himati) August 20, 2019

Puno't dulo ng mga protesta

Matatandaang sumang-ayon ang presidente ng PUP sa mga mungkahi na papasukin sa kanilang eskwelahan ang mga pulis matapos ireklamo ng ilang magulang ang "pagkawala" ng kanilang mga anak matapos sumali sa mga militanteng organisasyon.

Gayunpaman, ilan sa mga binanggit na "nawawalang" estudyante ay lumabas din sa social media at sinabing hindi sila "kinidnap" at "pinipilit" ng Kaliwa, gaya na lang ni Alicia Lucena.

Sa ulat ng Davao Today nitong Biyernes, sinabi naman ni Davao City Police Office director Alexander Tagum na plano nilang magtalaga ng "police intelligence" sa loob ng limang eskwelahan para i-monitor ang aktibidad ng mga grupong kanyang iniugnay sa Communist Party of the Philippines at New People's Army.

Una na ring nanawagan si PNP chief Gen. Oscar Albayalde na ma-review ang Soto-Enrile Accord, na kasunduang nilagdaan para pigilan ang presensya ng mga armadong pwersa ng gobyerno sa Unibersidad ng Pilipinas.