21 foreign recruiters na-blacklist, 19 pa sinuspinde ng POEA
MANILA, Philippines — Bilang pagtalima sa utos ni Pangulong Duterte na protektahan ang mga overseas Filipino workers, sinimulan na ng Philippine Overseas Employment Administration (POEA) ang paglilinis laban sa mga tiwaling recruitment agencies.
May 21 foreign recruitment agencies at direct employers ang inilagay sa blacklist ng pamahalaan, habang 19 local recruitment firms ang sinuspinde o kinanselahan ng lisensiya, dahil sa paglabag sa recruitment rules.
Ayon kay Philippine Overseas Employment Administration (POEA) Administrator Bernard Olalia, ang aksiyon ay bahagi ng isinasagawa nilang paglilinis sa industriya upang maprotektahan ang mga manggagawang Pinoy, gayundin ang kapakanan ng mga mamamayang naghahanap ng trabaho sa ibayong dagat.
Nabatid na ang mga pinatawan ng suspensiyon, multa o kanselasyon ng lisensiya ay nadiskubreng lumabag sa recruitment rules mula Enero hanggang Hulyo.
Ibinalik din naman umano ang lisensiya ng ilan sa kanila matapos na umapela at mabaligtad ang hatol na kanselasyon ng lisensiya.
Upang mabigyan naman ng babala ang publiko, na nagnanais na magtrabaho sa ibayong dagat, inilabas ng POEA ang listahan ng mga naturang recruitment agencies.
Ang mga disqualified foreign recruitment agencies o direct employers ay ang: AV Global Harvest PTE Ltd., Isa KhouriMetal Industries Ltd. and Amir Khoury, Raffles International Christian School, Al Tauqueet Trading and Services Est/Al Tauqet Trading & Services Co., NooraSalem Saad Occie for Recruitment of Domestic Helpers Office, All Pro Recruitment Agency, Marwan Slim; Food Equipment Supplying Company Limited (Fesco) & Thaer H. Abdou, Wanasah Manpower Supply & Mohammed Naser Al Naser, Bader Contracting & Trading Company/Bard Cont and Trad, Speedy Tech Electronics Co. Ltd., Staff Buro Staffing, Candice Cruz and Allan John Wilton, Jalal Al Jalal Construction Est./ Al Nassr AhssaTrading Contracting Company/Jalal Al Jalal/Saad Saleh Al Jalal, Marhaba Shopping Center, Hadi Al Hamroor Contracting Est. and Fawzi Al Najrani Est./Fouzi Saleh Najrani Contracting, Yacht Tours Maldives Pvt. Ltd.; Al Falax Electronics Equipment and Supplies Company/Al Falak Equipment, Agensi Pekerjaan YSL SDN BHD Lim Pooling and Saw Boon Foong, West Labour Supply and Abdalla Ali Adalla Alsari, Tsaheel Al Janoob Office for Recruitment, Al Bahli Manpower Recruiting Office & Omar Saad Al Hamad, at Special Manpower Supply.
Ang mga ahensiya naman na sinuspinde o pinagmulta mula Enero hanggang Hulyo 31 ay ang Double M Marine Services, Danasan Manpower & Management Services, Summit Placement and Resources, Masters Int’l Placement, FarlandPersonnel Management Corp., Corinthians Placement Services, Ankor Management & Services & Consultant; HBO Int’l Manpower Services, Century High HR Inc., First Champion & Int’l Entertainment Inc., Jamal Human Resource, Farland Personnel Management Corp., Boom Int’l Recruitment Agency, Workgroup Int’l Manpower Services, OsimsOriental Skills Int’l, Health Carousel Philippines Inc., Mitch Int’l Recruitment Agency, at Falcon Maritime & Allied Services.
- Latest
