Voter’s registration simula na ngayon
MANILA, Philippines — Simula na ngayon ang voters’ registration sa bansa.
Ayon kay Comelec Spokesperson James Jimenez, hanggang Setyembre 30 lamang ang itatagal ng registration period kaya’t dapat itong samantalahin ng mga botante.
Maaaring magpatala ang mga botante simula Lunes hanggang Sabado, at maging sa araw ng holiday, mula ?8:00 ng umaga hanggang ?5:00 ng hapon sa kanilang mga field offices.
Plano rin ng Comelec na magdaos ng satellite registration sa mga malls, ngunit iaanunsiyo pa lamang nila sa mga susunod na araw kung saan at kailan ito isasagawa.
Sinabi ni Jimenez na target nilang makapagtala ng mahigit 2 milyong bagong botante para makaboto sa susunod na halalan sa bansa.
Hindi na kailangan pang magparehistro ang mga Sangguniang Kabataan (SK) voters, na tutuntong sa edad na 18-anyos, dahil awtomatiko na aniyang ililipat ng poll body ang kanilang pangalan sa regular list of voters o listahan ng mga botante.
- Latest
