11 NPA rebels kinasuhan na
MANILA, Philippines — Sinampahan na ng 4 counts ng murder at theft ang 11 rebeldeng New People’s Army (NPA) na pumatay sa apat na pulis sa pamamagitan ng “New People’s Army ” sa harap ng taumbayan sa Ayungon, Negros Oriental.
Sinabi ni Negros Oriental Provincial Police Office Director Police Col. Raul Tacaca, kabilang sa mga kinasuhan si Victoriano Bangala Anadon Jr. na nasakote na habang pinaghahanap pa sina Rengie Anadon Baluhabo, Gelie Anadon Ebedo, Joseph Torres Ogates, Jelly Anadon Ebedo at iba pang mga John Does.
Nitong Hulyo 18 ay hinarang ng mga rebelde ang tatlong motorsiklo na sinasakyan nina Police Corporal Relebert Beronio at Patrolmen Raffy Callao, Roel Cabellon at Marquino de Leon, mga intelligence operatives ng 704th Mobile Force Company Regional Mobile Force Battalion sa Central Visayas Police.
Kinaladkad ang mga pulis, iginapos at dinala sa barangay hall at pinahirapan saka pinatay sa harap ng mga tao sa Brgy. Mabato, Ayungon.
Naglaan ng P1-M reward si Pangulong Duterte laban sa lider ng naturang NPA rebels at karagdagang P300,000 kung mabitbit ang ulo sa kaniya ng tinawag niyang ‘idiot’ na pinuno ng komunistang kilusan.
Kaugnay nito, kinumpirma ni Tacaca na nag-suicide ang brgy. chairman ng Mabato na si Sunny Caldera, 51, na iniimbestigahan ng Ayungon Police kaugnay ng posibleng pakikipagsabwatan nito sa krimen.
Si Caldera ay uminom ng pesticide na natagpuang bumubula ang bibig. Isinugod ito sa ospital pero binawian din ng buhay.
- Latest
